22, 23 და 24 მარტს, ტრადიციული მრავალხმიანობის კვლევის საერთაშორისო ცენტრმა, კარლ ორფის საერთაშორისო ფონდის ფინანსური მხარდაჭერით, უმასპინძლა ესპანელ ეთნომუსიკოლოგს, კომპოზიტორსა და პედაგოგს, დოქტორს, პროფესორ პოლო ვალეჰოს, რომელმაც თბილისის სახელმწიფო კონსერვატორიაში ჩაატარა ლექციები ეთნომუსიკო­ლოგიასა და კომპოზიციაში. მისი საუბრის ძირითადი თემა იყო აფრიკაში ვაგოგოს ტომთან ხანგრძლივი ურთიერთობისას მეცნიერის მიერ შეძენილი ეთნომუსიკო­ლოგიური გამოცდილება. ბ-ნმა პოლო ვალეჰომ ლექციები  წარმართა სამი ძირითადი მიმართულებით: ეთნომუსიკოლოგიური დაკვირვებები და შემკრებლობითი მეთოდები, საკომპოზიციო ტექნიკა, ბავშვთა ფოლკლორი. საუბრებმა დიდი ინტერესი გამოიწვია როგორც კონსერვატორიის სტუდენტებს, პედაგოგებსა და მეცნიერთა, ასევე - სხვა დამსწრეთა მხრიდან.