მსოფლიო

ტრადიციული მრავალხმიანობის მეორე საერთაშორისო სიმპოზიუმი 2004 წლის 23–27 სექტემბერს გაიმართა თბილისის სახელმწიფო კონსერვატორიაში. სიმპოზიუმის დასრულების შემდეგ მონაწილეები დასავლეთ საქართველოში, გურიაში გაემგზავრნენ, სადაც ისინი “გურული ტრადიციული მრავალხმიანი სიმღერების პირველ საერთაშორისო ფესტივალს” დაესწრნენ (29–30 სექტემბერი). კონფერენციაზე წარმოდგენილი მოხსენებები 2005 წელს ორ  –  ქართულ და ინგლისურ ენაზე გამოიცა (ტრადიციული მრავალხმიანობის მეორე საერთაშორისო სიმპოზიუმი, მოხსენებები. რედაქტორები: წურწუმია, რუსუდან, ჟორდანია, იოსებ. თბილისის სახელმწიფო კონსერვატორიის ტრადიციული მრავალხმიანობის კვლევის საერთაშორისო ცენტრი. საქართველოს კულტურისა და ძეგლთა დაცვის სამინისტრო. თბილისი: 2005). 

ეთნომუსიკოლოგთა საერთაშორისო ფორუმის “მრავალხმიანი მღერა ტრადიციულ საზოგადოებაში: ქცევა და ესთეტიკა” ორგანიზატორი გახლდათ ტაიპეის ხელოვნების ეროვნული უნივერსიტეტი, მუსიკოლოგიის დეპარტამენტი. კონფერენცია გაიმართა 21-დან 25 ოქტომბრამდე. მეტად მწირი ინფორმაციიდან დავადგინეთ, რომ კონფერენციაზე 14 ეთნომუსიკოლოგმა წარადგინა მოხსენება. მოხსენებები განიხილავდნენ ტაივანის უმცირესობების (ბუნუნი, ამი, პაივანი, ატაიალ, ტსოუ), ჩინეთის უმცირესობების (ჰაი, ტოუნგი, ჩუანგი), ვიეტნამის (ლუანგი), მონღოლეთის, სარდინიის, ალბანეთის, ინდონეზიის, ფილიპინების და სოლომონის კუნძულების ტრადიციული მრავალხმიანობის სხვადასხვა ასპექტებს.

Read More

13555891_1001237103258486_1931503144_o

2002 წლის 2-8 ოქტომბერს თბილისის სახელმწიფო კონსერვატორიაში გაიმართა ტრადიციული მრავალხმიანობის პირველი საერთაშორისო სიმპოზიუმი. სიმპოზიუმს მასპინძლობდნენ თბილისის სახელმწიფო კონსერვატორია (რექტორი მანანა დოიჯაშვილი, პრორექტორი რუსუდან წურწუმია) და ქართული ხალხური მუსიკის საერთაშორისო ცენტრი (პრეზიდენტი – ანზორ ერქომაიშვილი). სიმპოზიუმის განმავლობაში UNECO-სა და იაპონიის მთავრობის მხარდაჭერითა დაფუძნდა ტრადიციული მრავალხმიანობის კვლევის საერთაშორისო ცენტრი. ნორიკო აიკავა, UNESCO-ს არამატერიალური მემკვიდრეობის სექციის ხელმძღვანელი, დაესწრო სიმპოზიუმსა და სიტყვით მიმართა მონაწილეებს. კონფერენციაზე წარმოდგენილი მოხსენებები 2003 წელს ორ – ქართულ და ინგლისურ ენაზე გამოიცა (ტრადიციული მრავალხმიანობის პირველი საერთაშორისო სიმპოზიუმი, მოხსენებები. რედაქტორები: წურწუმია, რუსუდან, ჟორდანია, იოსებ. თბილისის სახელმწიფო კონსერვატორიის ტრადიციული მრავალხმიანობის კვლევის საერთაშორისო ცენტრი. საქართველოს კულტურისა და ძეგლთა დაცვის სამინისტრო. თბილისი: 2003).

 საერთაშორისო კონფერენციის “მრავალხმიანობის პრობლემა სასულიერო და საერო მუსიკაში” ორგანიზატორი გახლდათ თბილისის სახელმწიფო კონსერვატორია, ხოლო მხარდაჭერი ფონდი “ღია-საზოგადოება – საქართველო”. მოხსენებები იმ ენაზე გამოიცა, რომელზეც ავტორებს ჰქონდათ წარმოდგენილი, გამოიცა ასევე აბსტრაქტებიც ინგლისურ (ქართულ) ენაზე (წურწუმია 2001). გამოცემულ კრებულზე დაყრდნობით გთავაზობთ მომხსენებელთა და მათ მოხსენებათა სიას (მონაწილეთა უმრავლესობა საქართველოს წარმოადგენდა):

Read More

ტრადიციული მრავალხმიანობის კონფერენციების სერია ათი წლის დუმილის შემდეგ კვლავ განახლდა საქართველოში. კონფერენციის ორგანიზატორი გახლდათ თბილისის სახელმწიფო კონსერვატორია (რექტორი მანანა დოიჯაშვილი, პრორექტორი რუსუდან წურწუმია) და იგი ჩატარდა 1998 წლის 15-22 ოქტომბერს. მოხსენებები იმ ენაზე გამოიცა, რომელზეც ავტორებს ჰქონდათ წარმოდგენილი (იხ. წურწუმია, 2000), ასევე გამოიცა აბსტარქტები ალტერნატიულ ენაზე (ინგლისურ ან ქართულ). მონაწილეთა უმრავლესობა საქართველოდან გახლდათ. გამოცემულ კრებულზე დაყრდნობით გთავაზობთ მომხსენებელთა და მათ მოხსენებათა სიას:

Read More

incentive-team-building-concerts-02-royaumont-abbaye-fondation

Polifonies Vivantes-მა საფრანგეთის კულტურის სამინისტროსა და სამეცნიერო კვლევის ეროვნული ცენტრის პატრონაჟით, ასევე რუაიომონის ფონდის დახმარებით რუაიომონის სააბატოში გამართა სხვადასხვა კულტურების ტრადიციული მრავალხმიანობის შემსწავლელი ექსპერტების ჯგუფების შეხვედრა, 1994 წლის 1-4 მარტამდე. მონაწილეები ასევე ესწრებოდნენ აფრიკულ პოლირიტმულ, კორსიკულ მრავალხმიანობის, ქართული მრავალხმიანობის წარმოდგენა-ჩვენებებს. ამ შეხვედრის მასალები არ გამოქვეყნებულა. კონფერენციის პროგრამის თანახმად წარმოდგენილი იყო შემდეგი მოხსენებები.

Read More

Polifonies Vivantes-მა (პირველი საერთაშორისო სამეცნიერო კორპუსი, რომელიც ორიენტირებულია ტრადიციული მრავალხმიანობის შესწავლაზე, ხელმძღვანელი – სიმჰა არომი) საფრანგეთის კულტურის სამინისტროსა და სამეცნიერო კვლევის ეროვნული ცენტრის პატრონაჟით, ასევე რუაიომონის ფონდის დახმარებით, რუაიომონის სააბატოში გამართა კონფერენცია ტრადიციული მრავალხმიანობის შესახებ, სახელწოდებით “რუსული ტრადიციული მრავალხმიანობა” (30 მაისი – 2 ივნისი). კონფერენციაზე წარმოდგენილი მოხსენებები კრებულის სახით გამოიცა  – “Les polyphonies populaire russes” (1993). ქვემოთ მოცემულია მეცნიერებისა და მათი მოხსენებების სია:

Read More

კონფერენცია სახელწოდებით “რუსეთის ვოკალური მრავალხმიანობა” ჩატარდა რუსეთში, ქალაქ ვორონეჟში, 1989 წლის 24-29 სექტემბერს. მისი ორგანიზატორები გახლდნენ საბჭოთა კავშირის მუსიკოლოგთა და ფოლკლორისტთა კომიტეტი, კომპოზიტორთა კავშირი და გნესინის სახელობის სახელმწიფო მუსიკალურ-პედაგოგიური ინსტიტუტი. მოხსენებების შემოკლებული ვერსიები (თითეული სამ გვერდიანი, ზოგს თან ახლავს მუსიკალური მაგალითები) გამოიცა რუსეთში (იხილეთ ენგოვატოვა, 1989). ქვემოთ მოცემულია კონფერენციის პროგრამაში წარმოდგენილ მეცნიერებისა და მათი მოხსენებების სია:

Read More

p18q05bgvhffvt0cnek1g8f1c9o5

მესამე საერთაშორისო კონფერენცია “ხალხური მრავალხმიანობის პრობლემები” (წინა ბორჯომში გაიმართა) ჩატარდა თბილისის სახელმწიფო კონსერვატორიაში (15-22 ოქტომბერი). კონსერვატორიასთან ერთად კონფერენციის ორგანიზატორები იყვნენ თბილისის სახელმწიფო უნივერსიტეტი, კომპოზიტორთა კავშირი და საქართველოს მუსიკალურ-ქორეოგრაფიული საზოგადოება. მომდევნო კონფერენციის გამართვა 1991 წელს იყო დაგეგმილი, მაგრამ გაუარესებული პოლიტიკური და ეკონომიკური სიტუაციის, 1991-92 წლებში სამოქალაქო ომისა, ოსეთისა და აფხაზეთის ომების გამო იგი არ შედგა. 1998 წელს წარმოდგენილი აბსტარქტები გამოიცა (1988, ჟორდანია). იხილეთ კონფერენციის პროგრამაში წარმოდგენილი მეცნიერებისა და მათი მოხსენებების სია:

Read More

მეორე საერთაშორისო კონფერენცია სახელწოდებით “ხალხური მრავალხმიანობის პრობლემები” გაიმართა ბორჯომში, საკურორტო კომპლექსში “კომპოზიტორთა დასვენებისა და შემოქმედების სახლში” 10-დან 15-ნოემბრამდე. სამეცნიერო სესიები დილითა და შუადღით, საღამოობით კი ქართული ტრადიციული მრავალხმიანი სიმღერების კონცერტები იმართებოდა, რომელშიც საქართველოს სხვადასხვა რეგიონების ანსამბლები ღებულობდნენ მონაწილეობას (ყოველ კონცერტზე ორი ანსამბლი იყო წარმოდგენილი). საკონფერენციო მასალა აბსტრაქტების სახით გამოიცა (ჟორდანია, 1986). გთავაზობთ მკვლევართა და მათ მოხსენებათა სიას, ასევე გამოცემაში დამატებულ აბსტრაქტებს.

Read More