ორწლიანი პროექტი „გუდასტვირზე შემსრულებელთა ევროპული ქსელი“ ერასმუს პლუსის პროგრამით ხორციელდება და 6 ქვეყნის წარმომადგენლობას აერთიანებს. პროექტის მიზანია ხელი შეუწყოს არამატერიალური კულტურული მემკვიდრეობის (აკმ) კონკრეტულ ნაწილს – გუდასტვირის დამზადებასა და მასზე დაკვრის ტრადიციას.

პროექტის ფარგლებში 5-10 ივნისს მრავალხმიანობის კვლევის ცენტრის დირექტორი ნინო რაზმაზე და მეგუდასტვირე ლევან ბერელიძე სტუმრობდა ესპანეთს. ისინი გაეცნენ ესპანური გუდასტვირის დამზადების ტექნოლოგიასა და მისი შესრულების ტრადიციებს.

პროექტი დასრულდა, რაც გულისხმობდა ექვსივე ქვეყნის წარმომადგენლობასთან ვიზიტს, გუდასტვირის დამზადებასა და მასზე დაკვრის ტრადიციის ხელშეწყობას.

პროექტის პარტნიორები არიან:

• სუიტის კულტურული მემკვიდრეობის ფონდი (ლატვია) – კოორდინატორი პარტნიორი;
• ხორვატიული ტრადიციული საკრავების ცენტრი (ხორვატია);
• მულტიეთნიკური კულტურის ასოციაცია (იტალია);
• მეგუდასტვირეთა გრაუსის ასოციაცია (ესპანეთი);
• ჩეხი, სლოვაკი მეგუდასტვირეები (სლოვაკეთი);
• ვ. სარაჯიშვილის სახ. თბილისის სახელმწიფო კონსერვატორია (საქართველო).

იხილეთ ბუკლეტი

თბილისის სახელმწიფო კონსერვატორიის ტრადიციული მრავალხმიანობის კვლევის საერთაშორისო ცენტრი და ანზორ ერქომაიშვილის სახელობის სახელმწიფო ცენტრი მრავალხმიანობის პრობლემატიკაზე მომუშავე მეცნიერებს იწვევს ტრადიციული მრა­ვალხმიანობის მე-12 საერთაშორისო სიმპოზიუმზე, რომელიც ჩატარდება 2024 წლის 25 სექტემბრიდან 28 სექტემბრის ჩათვლით.

Erasmus + პროგრამით ხორციელდება პროექტი „ევროპელ მეგუდასტვირეთა ქსელი“, რომელშიც ერთიანდებიან 6 ქვეყანის წარმომადგენლობა (გუდასტვირზე შემსრულებლები, ოსტატები და მკვლევრები). პროექტი ორწლიანია და მისი მიზანია ხელი შეუწყოს არამატერიალური კულტურული მემკვიდრეობის (აკმ) კონკრეტულ ნაწილს – გუდასტვირის დამზადებასა და მასზე დაკვრის ტრადიციას.

პროექტის ფარგლებში მეგუდასტვირეები სტუმრობდნენ საქართველოსა და იტალიას. ისინი ეცნობიან გუდასტვირის დამზადების ტექნოლოგიასა და მისი შესრულების ტრადიციებს. პროექტი გრძელდება, რაც გულისხმობს ექვსივე ქვეყნის წარმომადგენლობასთან ვიზიტს, გუდასტვირის დამზადებასა და მასზე დაკვრის ტრადიციის ხელშეწყობას.

პროექტის პარტნიორები არიან:

• სუიტის კულტურული მემკვიდრეობის ფონდი (ლატვია) – კოორდინატორი პარტნიორი;
• ხორვატიული ტრადიციული საკრავების ცენტრი (ხორვატია);
• მულტიეთნიკური კულტურის ასოციაცია (იტალია);
• მეგუდასტვირეთა გრაუსის ასოციაცია (ესპანეთი);
• ჩეხი, სლოვაკი მეგუდასტვირეები (სლოვაკეთი);
• ვ. სარაჯიშვილის სახ. თბილისის სახელმწიფო კონსერვატორია (საქართველო).

იხილეთ ბუკლეტი

კომპიუტერული (გამოთვლითი) ეთნომუსიკოლოგიის შესავალი

3 დღიანი, პრაქტიკული სემინარი თბილისში

2023 წლის 20-22 სექტემბერი

ლექტორთა გუნდი: ფრენკ შერბაუმი, ნანა მჟავანაძე, დავით შუღლიაშვილი, ლევან შუღლიაშვილი

კომპიუტერული ეთნომუსიკოლოგია (CE) არის კომპიუტერული მეცნიერებისა და გამოთვლითი მეთოდების გამოყენება მუსიკის შესწავლაში სხვადასხვა კულტურულ კონტექსტში. ის მიზნად ისახავს მუსიკალური ტრადიციებისა და პრაქტიკის გაანალიზებას, წარმოდგენას და გაგებას გამოთვლითი ხელსაწყოებისა და ალგორითმების გამოყენებით, როგორიცაა და მონაცემთა ანალიზი. გამოთვლითი ეთნომუსიკოლოგიის მიზანია გააუმჯობესოს   მუსიკის გაგება კულტურებში და შექმნას ახალი შეხედულებები მუსიკის სტრუქტურის, მნიშვნელობისა და სოციალური ასპექტების შესახებ.

ამ სამდღიანი სემინარის მიზანია ტრადიციული ქართული ვოკალური მუსიკის შესასწავლად კომპიუტერული ინსტრუმენტების გამოყენების ძირითადი პრაქტიკული გამოცდილების მიწოდება. სემინარის ცენტრალური თემა იქნება „ტონალური ორგანიზაციის (წყობის სისტემის) ანალიზი აუდიო ჩანაწერებიდან“.

პირველი დღე მიეძღვნება ინტენსიურ კურსს  კვლევის არსებულ მდგომარეობაზე   ბგერის აკუსტიკურ თვისებებსა და  აღქმასთან დაკავშირებით განსაკუთრებული მახვილით  „სიმაღლესა“ და „სიმაღლის განსაზღვრაზე“.  მეორე დღეს დაგეგმილია მონაწილეების მიერ   ქართული სამნაწილიანი სიმღერის ჩაწერა და ჩანაწერების შემდგომი განალიზება    სხვადასხვა პერსპექტივიდან. მესამე დღეს განიხილება ექსპერიმენტული ჩანაწერების  ანალიზის შედეგები და ბოლოს წარმოდგენილი იქნება  კომპიუტერული საშუალებებით შესრულებილი .ქართული ტრადიციული მუსიკის  დასრულებული და მიმდინარე კვლევითი პროექტები შერჩევით.

სემინარი განკუთვნილია კომპიუტერის საბაზისო უნარების მქონე მონაწილეებისთვის, რომლებსაც შეუძლიათ იქონიონ  საკუთარი კომპიუტერი  da   მზად არიან ჩაერთონ ვორკშოპში უაღრესად ინტერდისციპლინურ თემაზე, რომელიც ეხება მუსიკას, აკუსტიკას, ეთნომუსიკოლოგიასა და კომპიუტერულ მეცნიერებას. სემინარი შეზღუდულია მაქსიმუმ 10 მონაწილით. მონაწილეობის მისაღებად გთხოვთ ელფოსტაზე fs@geo.uni-potsdam.de  და polyphony@tsc.edu.ge გამოაგზავნოთ  არაუგვიანეს 2023 წლის 31 მაისისა:

ა) ელ.წერილი თქვენი რეზიუმეთი (CV) და

ბ) წერილი, რომელშიც ახსნილი იქნება  თქვენი მოტივაცია და გამოცდილება