ქალთა როლი იუნესკოს მიერ აღიარებულ ევროპულ ტრადიციულ სასიმღერო პრაქტიკებში
წინამდებარე ორენოვანი კრებული შეიქმნა იუნესკოს „მონაწილეობის პროგრამით“ (2020-2021), თბილისის სახელმწიფო კონსერვატორიის ტრადიციული მრავალხმიანობის კვლევის
საერთაშორისო ცენტრის მიერ შესრულებული პროექტის ფარგლებში. იდეა ეკუთვნის თეონა ლომსაძეს, რომელიც ფოლკლორის განახლების პრობლემას იკვლევს თანამედროვე ქართულ საზოგადოებაში. მისი ჩანაფიქრით, პროექტს უნდა წარმოედგინა ევროპის მასშტაბით იუნესკოს მიერ აღიარებული სასიმღერო პრაქტიკები და მათ მაგალითზე ეჩვენებინა, რა როლს ასრულებდნენ ისინი ქალთა ლიბერალიზაციის თანამედროვე პროცესებში. მათგან შეირჩა ის პრაქტიკები, რომლებშიც ქალთა რეპერტუარს მნიშვნელოვანი ადგილი უჭირავს – ბულგარული, ესტონური, ლიეტუვური, პორტუგალიური და ქართული.
კრებულში წარმოდგენილია 13 ქალი ავტორის სტატიები.
კრებული გამოიცა UNESCO-ს 2020-2021 წლების „მონაწილეობის პროგრამის“ ფარგლებში. პროექტის თანადამფინანსებელია ვ. სარაჯიშვილის სახელობის თბილისის სახელმწიფო კონსერვატორია.
პროექტის ხელმძღვანელი და კრებულის შემდგენელი: თეონა ლომსაძე
პროექტის კოორდინატორი: ნინო რაზმაძე
რედაქტორი: რუსუდან წურწუმია
ინგლისურენოვანი ტექსტების კორექტურაზე მუშაობდნენ: ლორენ ნინოშვილი, ბრაიან ფეარლი
მთარგმნელები: მარინა დეკრისტოფორო, მარიკა ნადარეიშვილი, ბაია ჟუჟუნაძე,
ნანა მჟავანაძე
დიზაინერი: სანდრო ჩხაიძე
ხმის ინჟინერი: გიორგი ჯოლბორდი
გამოცემა გახლდათ არაკომერციული და ხელმისაწვდომია ელექტრონული ვერსიის სახით.
დანართი და აუდიომასალა იხილეთ აქ.
მოწვევა ტრადიციული მრავალხმიანობის XI საერთაშორისო სიმპოზიუმზე
|
ტრადიციული მრავალხმიანობის მეთერთმეტე საერთაშორისო სიმპოზიუმი 26-30 სექტემბერი, 2022, თბილისი, საქართველო გთხოვთ, გულდასმით წაიკითხოთ ვადების პარაგრაფი |
თბილისის სახელმწიფო კონსერვატორიის ტრადიციული მრავალხმიანობის კვლევის საერთაშორისო ცენტრი და ქართული ხალხური სიმღერის საერთაშორისო ცენტრი მრავალხმიანობის პრობლემატიკაზე მომუშავე მეცნიერებს იწვევს ტრადიციული მრავალხმიანობის მე-11 საერთაშორისო სიმპოზიუმზე, რომელიც ჩატარდება 2022 წლის 26 სექტემბრიდან 30 სექტემბრის ჩათვლით.
მაგდა სუხიაშვილის წიგნი „ქართული საეკლესიო მუსიკის ისტორია. ლექციები“
მაგდა სუხიაშვილის წიგნში „ქართული საეკლესიო მუსიკის ისტორია. ლექციები“ გაშუქებულია ქართული სამგალობლო ხელოვნების ისტორიისა და თეორიის საკითხები. ვინაიდან ქართული საეკლესიო მუსიკის ისტორიის არც სახელმძღვანელო და არც ლექციების კურსი დღემდე არ გამოცემულა, წიგნი სტუდენტთა სასწავლო რესურსით უზრუნველყოფის პირველი ცდაა. იგი ასახავს ავტორის თითქმის ორი ათეული წლის პედაგოგიური მოღვაწეობით დაგროვილ გამოცდილებას.
ტმკსც-ის #30 ბიულეტენი
გამოვიდა ტმკსც-ის #30 ბიულეტენი (ივნისი, 2021), რომელიც შეგიძლიათ იხილოთ როგორც ცენტრის საიტზე, ისე ფეისბუქ გვერდზე.
ტმკსც-ის ორენოვანი ბიულეტენი მოიცავს ტრადიციული მუსიკის შემსრულებლობასა და კვლევასთან დაკავშირებულ ინფორმაციას და მკითხველს აცნობს საქართველოს ეთნომუსიკოლოგიური ცხოვრების სიახლეებს.
საგრანტო პროექტი – “ეთნომუსიკოლოგიის კვლევა: ოცდაცამეტი თემა და კონცეფცია” (ქართული თარგმანი, ავტორი: ბრუნო ნეტლი)
მოხარული ვართ გაცნობოთ, რომ თბილისის სახელმწიფო კონსერვატორიის ტრადიციული მრავალხმიანობის კვლევის საერთაშორისო ცენტრის მიერ მომზადებულმა პროექტმა “ეთნომუსიკოლოგიის კვლევა: ოცდაცამეტი თემა და კონცეფცია” (ქართული თარგმანი, ავტორი: ბრუნო ნეტლი) მოიპოვა მაქსიმალური შეფასება და გახდა რუსთაველის ეროვნული სამეცნიერო ფონდის მიერ გამოცხადებული საგამომცემლო სახელმწიფო სამეცნიერო გრანტის მფლობელი.
ტმკსც-ის #29 ბიულეტენი
გამოვიდა ტმკსც-ის #29 ბიულეტენი (დეკემბერი, 2020), რომელიც შეგიძლიათ იხილოთ როგორც ცენტრის საიტზე, ისე ფეისბუქ გვერდზე.
ტმკსც-ის ორენოვანი ბიულეტენი მოიცავს ტრადიციული მუსიკის შემსრულებლობასა და კვლევასთან დაკავშირებულ ინფორმაციას და მკითხველს აცნობს საქართველოს ეთნომუსიკოლოგიური ცხოვრების სიახლეებს.
აჭარული ხალხური სიმღერები – სანოტო კრებული სასწავლო აუდიოდისკით
კრებული „შევისწავლოთ ქართული ხალხური სიმღერა“ ამჯერად, აჭარული სიმღერების შესწავლას გთავაზობთ. წიგნი სერიის მეორე გამოცემაა. ესაა სანოტო კრებული სასწავლო მიზნით შესრულებული აუდიოჩანაწერების კომპაქტდისკით, გამოცემა განკუთვნილია როგორც პროფესიონალი, ისე მოყვარული მუსიკოსებისათვის. სიმღერებს ასრულებენ ქედის მუნიციპალიტეტის ანსამბლები, „მოყვარე“ და „ელესა“.
ტრადიციული მრავალხმიანობის მეათე საიუბილეო საერთაშორისო სიმპოზიუმი
თბილისის სახელმწიფო კონსერვატორია, ქართული ხალხური სიმღერის საერთაშორისო ცენტრი და საქართველოს ფოლკლორის სახელმწიფო ცენტრი 2020 წლის 20 ოქტრომბრიდან 24 ოქტომბრამდე თბილისის სახელმწიფო კონსერვატორიაში, საქართველოს პრეზიდენტის სალომე ზურაბიშვილის პატრონატითა და განათლების, მეცნიერების, კულტურისა და სპორტის სამინისტროს მხარდაჭერით, ტრადიციული მრავალხმიანობის მე-10, საიუბილეო საერთაშორისო სიმპოზიუმს ატარებს.
თბილისის სიმპოზიუმები წარმოაჩენენ მსოფლიო მრავალხმიანობის კვლევის თანამედროვე ტენდენციებს და ხელს უწყობენ ქართული ეთნომუსიკოლოგიის ინტეგრაციას დასავლურ ეთნომუსიკოლოგიურ მეცნიერებასთან. მათ უდიდესი როლი შეასრულეს ქართული პოლიფონიის კვლევისადმი უცხოელი მეცნიერების ინტერესის გაღვივებაში, რომლებიც ერთხმად აღიარებენ მის განსაკუთრებულ ადგილს მსოფლიოს ხალხთა მუსიკალურ კულტურაში.
მეათე საიუბილეო სიმპოზიუმში მონაწილეობას მიიღებს მსოფლიოს 19 ქვეყნის 41 მეცნიერი, მათ შორის, 27 – უცხოეთიდან. წლევანდელი სიმპოზიუმი განსაკუთრებულ ვითარებაში – კოვიდ-19-ის პანდემიის პირობებში ტარდება, შესაბამისად, საქართველოს განათლების, მეცნიერების, კულტურისა და სპორტის სამინისტროსთან შეთანხმებით, წელს სიმპოზიუმი გაიმართება მთავრობის მიერ დაწესებული რეგულაციების სრული დაცვით, შერეული ფორმატით. უცხოელი მეცნიერები (აშშ-ს, შვეიცარიას, ავსტრიასა და დიდი ბრიტანეთიდან ჩამოსული 6 მონაწილის გარდა) დისტანციურად მიიღებენ მონაწილეობას.
შეგიძლიათ იხილოთ ტრადიციული მრავალხმიანობის მე-10 საიუბილეო საერთაშორისო სიმპოზიუმის ბუკლეტი, პროგრამა და მიიღოთ ამომწურავი ინფორმაცია წლევანდელ სიმპოზიუმში მონაწილე მეცნიერების, რეჟისორებისა და მუსიკოსების შესახებ.
ტმკსც-ის #28 ბიულეტენი
გამოვიდა ტმკსც-ის #28 ბიულეტენი (ივნისი, 2020), რომელიც შეგიძლიათ იხილოთ როგორც ცენტრის საიტზე, ისე ფეისბუქ გვერდზე.
ტმკსც-ის ორენოვანი ბიულეტენი მოიცავს ტრადიციული მუსიკის შემსრულებლობასა და კვლევასთან დაკავშირებულ ინფორმაციას და მკითხველს აცნობს საქართველოს ეთნომუსიკოლოგიური ცხოვრების სიახლეებს.
