ორწლიანი პროექტი „გუდასტვირზე შემსრულებელთა ევროპული ქსელი“ ერასმუს პლუსის პროგრამით ხორციელდება და 6 ქვეყნის წარმომადგენლობას აერთიანებს. პროექტის მიზანია ხელი შეუწყოს არამატერიალური კულტურული მემკვიდრეობის (აკმ) კონკრეტულ ნაწილს – გუდასტვირის დამზადებასა და მასზე დაკვრის ტრადიციას.

პროექტის ფარგლებში, 5-10 ოქტომბერს ხორვატიას ეწვია მრავალხმიანობის კვლევის ცენტრის დირექტორის მოადგილე ნინო რაზმაზე, მეჭიბონე მურად თავართქილაძე და მეგუდასტვირე თორნიკე სხიერელი. ისინი გაეცნენ ხორვატიული გუდასტვირის დამზადების ტექნოლოგიას და მისი შესრულების ტრადიციებს.

პროექტის პარტნიორები არიან:
• სუიტის კულტურული მემკვიდრეობის ფონდი (ლატვია) – კოორდინატორი პარტნიორი;
• ხორვატიული ტრადიციული საკრავების ცენტრი (ხორვატია);
• მულტიეთნიკური კულტურის ასოციაცია (იტალია);
• მეგუდასტვირეთა გრაუსის ასოციაცია (ესპანეთი);
ჩეხი, სლოვაკი მეგუდასტვირეები (სლოვაკეთი);
• ვ. სარაჯიშვილის სახ. თბილისის სახელმწიფო კონსერვატორია (საქართველო)