საერთაშორისო კონფერენციის “მრავალხმიანობის პრობლემა სასულიერო და საერო მუსიკაში” ორგანიზატორი გახლდათ თბილისის სახელმწიფო კონსერვატორია, ხოლო მხარდაჭერი ფონდი “ღია-საზოგადოება – საქართველო”. მოხსენებები იმ ენაზე გამოიცა, რომელზეც ავტორებს ჰქონდათ წარმოდგენილი, გამოიცა ასევე აბსტრაქტებიც ინგლისურ (ქართულ) ენაზე (წურწუმია 2001). გამოცემულ კრებულზე დაყრდნობით გთავაზობთ მომხსენებელთა და მათ მოხსენებათა სიას (მონაწილეთა უმრავლესობა საქართველოს წარმოადგენდა):

1. თამარ ჩხეიძე, საქართველო. “მართმადიდებლური ლიტურგიისა და კათოლიკური მესის მუსიკალური კომპოზიციის თავისებურებანი (შედარებითი ანალიზი)”.

2. დალი დოლიძე, საქართველო. “ძველი ქართული სინოდიკონი”.

3. ხათუნა მანაგაძე, საქართველო. “დიდი მარხვის ლიტურგიკულ-ისტორიული და მუსიკალური ასპექტები”.

4. მანანა ანდიაძე, საქართველო. “გულანში დაცული ჭრელების შესახებ”.

5. ეკატერინე ონიანი, საქართველო. “ზოგიერთი მოსაზრება ქართული გამშვენებული გალობის შესახებ”.

6. ქრისტიანა დიმიტრიუ, რუმინეთი. “კვიპროსის სამონასტრო და საეპისკოპოსო ბიბლიოთეკებსი დაცული ბიზანტიური მუსიკის ხელნაწერები”.

7. მალხაზ ერქვანიძე, საქართველო. “ქართული მრავალხმიანობის ბუნება. ფორმათა ერთიანობის შესახებ”.

8. დავით შუღლიაშვილი, საქართველო. “ქართული გალობის “უნისონური” მრავალხმიანობა”.

9. მაგდა სუხიაშვილი, საქართველო. “ქართული ორიგინალური ჰიმნოგრაფიის ისტორიული განვითარების ზოგიერთი საკითხის შესახებ”.

10. ნესტან სულავა, საქართველო. “ხარების თემა ქართულ ჰიმნოგრაფიაში”.

11. მარინე ცინცაბაძე, საქართველო. “წმინდა ქეთევან დედოფალი ქართულ ჰიმნოგრაფიაში”.

12. ზივარ ჰუსეინოვა, რუსეთი. “საქართველოს საეგზარქოსოს სასულიერო მოამბის მუსიკალური ფურცლები”.

13. ელენე შევჩუკი, უკრაინა. “მრავალხმიანობის სახეები მე-17 საუკუნის უკრაინულ ხალხურ-სასიმღერო და საეკლესიო-სამგალობლო შემოქმედებაში”.

14. თამაზ გაბისონია, საქართველო. “ქართული საეკლესიო საგალობლისა და ქართული ხალხური სიმღერის ურთიერთმიმართების რამოდენიმე ასპექტი”.

15. ნინო კალანდაძე-მახარაძე, საქართველო. “ვოკალური შთაბეჭდილებების მსოფლიო ანთოლოგია და ქართული მრავალხმიანობა პარიზის ადამიანის მუზეუმის ეთნომუსიკოლოგიური დეპარტამენტის              ფონოკოლექციაში”.

16. ვლადიმერ გოგოტიშვილი, საქართველო. “მრავალხმიანი ქართული სიმღერების კილოური წყობის ზოგიერთი თავისებურების შესახებ”.

17. თინათინ ჟვანია, საქართველო. “ქართული საკრავი და მრავალხმიანობა (ვოკალური და საკრავიერი მუსიკის ურთიერთობა)”.

18. მანანა შილაკაძე, საქართველო. “ქართული მუსიკალური ფოლკლორისტიკის საკითხები უცხოელ მკვლევართა ნაშრომებში (სილვია ბოლე ზემპის ნაშრომის გამო)”.

19. თამარ მესხი, საქართველო. “ქალთა მრავალხმიანობის საკითხისათვის”.

20. სილვია ბოლე ზემპი, შვეიცარია. “ხმოვნები და აკორდები. სიმღერა ზემო სვანეთში”.

21. კუკური ჭოხონელიძე, საქართველო. “კილოს ცნების ზოგიერთი ისტორიული და თეორიული ასპექტების შესახებ”.

22. ნატო ზუმბაძე, საქართველო. “ქართული მრავალხმიანი სიმღერა და მისი სწავლების მეთოდები”.

23. იოსებ ჟორდანია, ავსტრალია. “მრავალხმიანობის გენეზისის კვლევის მორალურ-ეთიკური ასპექტები”.